Սուսերամարտի կրկնակի օլիմպիական չեմպիոն Կարինա Ազնավուրյանը կմրցի 2018 թվականի գեղասահքի օլիմպիական չեմպիոն Ալինա Զագիտովայի հետ, հաղորդում է Ria.ru-ն։
Միջոցառումը տեղի կունենա հուլիսի 1-ին՝ Մոսկվայի «Լուժնիկ»-ի մարզահամալիրում՝ Մոսկվայի սպորտի 100-ամյակի շրջանակներում:
«Սուսերամարտը և գեղասահքը կարգապահություններ են, որոնք, առաջին հայացքից, ոչ մի ընդհանուր բան չունեն։ Մենք արդեն սպասում եմ այն սուր զգացողություններին, որոնք կունանք այդ մենամարտից։ Շատ ուրախ եմ, որ սուսերամարտի ճանապարհին իմ առաջին քայլերը կանցնեն նման փորձառու մարզչի ղեկավարությամբ»,-ասել է Զագիտովան։
Սուսերամարտիկի խոսքով՝ լավ է, որ Զագիտովայի նման առաջնակարգ մարզիկները չեն վախենում նոր մարզաձևեր փորձելուց։
«Հուսով եմ, որ այս մտահղացումը կոգեշնչի մարդկանց ընդլայնել իրենց հնարավորությունների հորիզոնները և կյանքի կոչել նույնիսկ ամենահամարձակ երազանքները»,-ընդգծել է Ազնավուրյանը:
Ազնավուրյանը ծնվել է 1974 թվականի սեպտեմբերի 20-ին Բաքվում՝ հայ-ադրբեջանական ընտանիքում։ 1990 թվականին Բաքվի հայկական ջարդերից հետո ընտանիքի հետ ստիպված է եղել տեղափոխվել Մոսկվա։ 1996 թվականին Ռուսաստանի հավաքականի կազմում Ատլանտայի Օլիմպիական խաղերի բրոնզե մեդալակիր է դարձել։ 1997թ. արժանացել է 19-րդ Ունիվերսիադայի արծաթե մեդալակիր ինչպես թիմային, այնպես էլ անհատական առաջնություններում: Հետագայում Ռուսաստանի հավաքականի կազմում հաղթել է Սիդնեյի (2000) և Աթենքի (2004) Օլիմպիական խաղերում, Աշխարհի (2003) և Եվրոպայի (2004) առաջնություններում։
