Լրատվամիջոցները պարզել են, թե երբ է սպասվում Ռոնալդուի նորամուտը «Ալ-Նասրայում»: Այս մասին գրում է Ria.ru-ն՝ հղում անելով France-Presse-ին:
Պորտուգալացի հարձակվող Կրիշտիանու Ռոնալդուն «Ալ-Նասրայում» նորամուտը կնշի հունվարի 22-ին՝ Սաուդյան Արաբիայի առաջնությունում:
Դեկտեմբերի վերջին ակումբը հայտարարել էր Ռոնալդուի հետ մինչև 2025 թվականի հունիսը պայմանագիր կնքելու մասին: Հաղորդվում էր, որ Ռոնալդուն դեռ իրավունք չունի հանդես գալ «Ալ-Նասրայում», քանի որ ակումբում արտասահմանցի ֆուտբոլիստների քանակը գերազանցվել է: Սահմանաչափի պատճառով ակումբը պետք է ձերբազատվի թիմում գործող լեգեոներներից մեկից:
Աղբյուրի համաձայն՝ ակումբը այդ նպատակով խզել է պայմանագիրը Կամերունի հավաքականի հարձակվող Վենսան Աբուբաքարի հետ։
