Հաղթանակի ու խաղաղության օրվա կապակցությամբ ՀՀ պաշտպանության նախարար Սուրեն Պապիկյանը մայիսի 9-ին հանրապետության բարձրագույն ղեկավարության հետ այցելել է «Հաղթանակ» զբոսայգի, հայտնում է ՀՀ ՊՆ-ն։
Ըստ հաղորդագրության՝ նրանք ծաղիկներ են խոնարհել Անհայտ զինվորի հուշարձանին և հարգանքի տուրք մատուցել Հայրենական մեծ պատերազմում զոհված հերոսների հիշատակին:
33 տարի առաջ՝ 1992 թվականի մայիսի 8-ին, Շուշին ազատագրվել էր։ Տասնամյակներ շարունակ այս օրը հայ ժողովուրդը նշում է ադրբեջանական օկուպացիայից Արցախի ազատագրման, ինչպես նաև Ստեփանակերտի պաշարման ավարտի տարեդարձը։ Հենց այս իրադարձություններն էին հանգեցրել Արցախի շրջափակման ճեղքմանը և դարձել պատերազմի արդարացի ավարտի շրջադարձային կետ։ Մայիսի 8-ը համարվում է նաև Արցախի պաշտպանության բանակի պաշտոնական տոնը և նրա կազմավորման օրը։
Կարդացեք նաև՝ «Հարսանիք լեռներում». Շուշիի ազատագրման 33-ամյակը
