Ստամբուլում 6,2 մագնիտուդով երկրաշարժ է տեղի ունեցել, հաղորդում է Turkiye gazetesi-ն։ Ցնցումների փաստը հաստատել է նաև Աղետների կառավարման վարչությունը (AFAD):
Ըստ աղբյուրի՝ ցնցումները բավական ուժգին էին, դրանք զգացվել են նաև հարևան քաղաքներում։ Փլուզումների և ավերածությունների մասին տեղեկություններ չեն հաղորդվում, սակայն նշվում է, որ երկրաշարժին հաջորդել է ևս մեկը՝ 4,4 մագնիտուդ ուժգնությամբ։
Թուրքիայի ներքին գործերի նախարար Ալի Երլիքայան հայտարարել է, որ AFAD-ի բոլոր թիմերը և համապատասխան հաստատությունները սկսել են ստուգումներ։
