Ադրբեջանի նախագահ Իլհամ Ալիևը հանդիպել է Իրանի Իսլամական Հանրապետության ճանապարհների և քաղաքաշինության նախարար, տնտեսական համագործակցության ադրբեջանա-իրանական միջկառավարական համատեղ հանձնաժողովի համանախագահ Ֆարզանե Սադեղի հետ, հայտնել են ադրբեջանական լրատվամիջոցները:
Քննարկվել է համագործակցությունը առևտրի, տնտեսության, էներգետիկայի և տրանսպորտի ոլորտներում: Մասնավորապես՝ «Հյուսիս-Հարավ» տրանսպորտային միջանցքի և Արաքս գետի վրայով անցնող կամրջի կառուցումը։
Արաքս գետի վրայով Ադրբեջանի և Իրանի միջև կամրջի կառուցումը, որը սկսվել է 2023 թվականի հոկտեմբերին, նպատակ ունի Իրանի տարածքով Ադրբեջանի Արևելյան Զանգեզուրի տնտեսական շրջանը Նախիջևանի Ինքնավար Հանրապետության հետ կապելուն, ինչը կամրապնդի տրանսպորտային և առևտրային կապերը այս շրջանների միջև։
Հայաստանի համար նախագիծը կարևոր է, քանի որ այն կարող է ազդել տարածաշրջանային տրանսպորտային ուղիների և տնտեսական հավասարակշռության վրա, հատկապես Իրանի հետ սեփական կապերի և միջազգային շուկաներ մուտքի համատեքստում:
