Ադրբեջանական բանակում զինծառայող է մահացել

Ադրբեջանական բանակի զինծառայող Բահրի Ֆարման օղլու Թաղիևը մահացել է, հայտնում են տեղական լրատվամիջոցները։

Նշվում է, որ զինծառայողը մահացել է բժշկական հաստատություն տեղափոխվելու ճանապարհին՝ առողջական վիճակի կտրուկ վատթարացման պատճառով։

Նոյեմբերի 6-ին ադրբեջանական լրատվամիջոցները հայտնել էին բանակում ինքնասպանության մասին։

Razm.info-ի տվյալներով՝ 2023 թվականին Ադրբեջանի ուժային կառույցների կորուստները կազմել էին առնվազն 277 մարդ, որոնցից 224-ը զոհվել են մարտական պայմաններում։ Նախորդ տարում Ադրբեջանի ուժային կառույցներում հայտնի ինքնասպանությունների թիվը 17 էր․ մահացածներից 11-ը ՊՆ զինծառայող էր, 5-ը՝ ՊՍԾ, ևս 1-ը՝ Արդարադատության նախարարության քրեակատարողական ծառայության պահակային գնդի զինծառայող։