Հայաստանի վարչապետ Նիկոլ Փաշինյանը հայտարարություններ է արել 1991 թվականի սահմաններում գտնվող Լեռնային Ղարաբաղի տարածքի մասին՝ ակնհայտորեն Արևմուտքի ազդեցության տակ, «ՌԻԱ Նովոստի»-ի փոխանցմամբ՝ այդ մասին հայտարարել է ՌԴ Անվտանգության խորհրդի քարտուղար Նիկոլայ Պատրուշևը՝ շաբաթ օրը ելույթ ունենալով VDNKH-ում՝ «Ռուսաստան» ֆորում-ցուցահանդեսի Գիտելիքների հասարակության դասախոսության շրջանակում։
«Նա հայտարարություններ է արել, որ մենք (Երևանը) ճանաչելու ենք տարածքները (Լեռնային Ղարաբաղի) 1991 թվականի քարտեզի համաձայն։ Նա ուղիղ անվանել է տարածքները որոնք պատկանում են Հայաստանին, որոնք պատկանում են Ադրբեջանին։ Կարծում եմ, որ նա արել է այդ ճանաչումներն ու հայտարարությունները Արևմուտքի ազդեցության տակ, նա բանակցել է նրանց (Աևմուտքի) հետ»,- ասել է Պատրուշևը։
Ավելի վաղ ՌԴ ԱԽ քարտուղարը նշել էր, որ կան բոլոր նախադրյալները Բաքվի և Երևանի միջև խաղաղության պայմանագրի ստորագրման համար։
