Հայաստանի երկրորդ նախագահ Ռոբերտ Քոչարյանի հարցազրույցից հետո «Քաղաքացիական պայմանագիրն» ակտիվացրել է նրա ու նրա ընտանիքի նկատմամբ քննադատությունները, գրում է «Հրապարակ» թերթը:
«ՔՊ ֆրակցիան «հարձակման անցնելու», Քոչարյանին ու նրա ընտանիքին «սատկացնելու» հրահանգ է ստացել»,- նշում է օրաթերթը՝ հավելելով, որ իշխանության ներկայացուցիչներն անընդհատ ուղիղ եթեր են մտնում, գրառումներ անում, հարցազրույցներ տալիս Քոչարյանի մասին, կրկնում անցած 7 տարիներին շրջանառված, հետո հերքված «լեգենդները»։
Իսկ իշխանական կայքերն, ըստ հրապարակման, ուղղակի վերածվել են երկրորդ նախագահի ոչ պաշտոնական լրատվամիջոցների` ամեն երկրորդ նյութը նրա մասին է, նեգատիվ տոնայնության մեջ:
«Հայաստան» դաշինքի առաջնորդի հարցազրույցը հրապարակվել էր մայիսի 19-ին, նա անդրադարձել էր մի շարք թեմաների:
