ՔՊ պատգամավոր Արփի Դավոյանը հարցաքննվել է որպես վկա, հայտնել է «Ժողովուրդ» օրաթերթը՝ հղում անելով Գլխավոր դատախազությանն ուղղված իր հարցման պատասխանին։
Ըստ լրատվականի նախնական տեղեկությունների՝ գործը վերաբերում է Դավոյանին պատկանող ՍՊԸ-ների ներկրումներին, որոնք պատկանել են նրան։
«Նա ՍՊԸ-ներ է հիմնադրել, ներկրումներ արել, ապա խաբել պետությանը, ինչի համար 2018 թվականի ապրիլից հետո ՊԵԿ քննչականում անգամ հարցաքննվել է»,- նշել է թերթը։
Դատախազությունից պատասխանել են, որ Դավոյանը հարցաքննվել է, դատավարական այլ կարգավիճակ չի ունեցել, և քրեական վարույթով նախաքննությունը շարունակվում է։
Լրատվականը հավելել է, որ Դավոյանն ամիսներ շարունակ չի մասնակցում ՔՊ վարչության նիստերին՝ Երևանի քաղաքապետ Տիգրան Ավինյանի կոռուպցիոն ներթիմային բացահայտումներից և ՀՀ արդարադատության նախարարի պաշտոնում մերժվելուց հետո։
2024 թվականի դեկտեմբերին մամուլը գրել էր, որ Դավոյանը և ՔՊ պատգամավոր Անդրանիկ Քոչարյանը կուսակիցներին մեղադրել են կոռուպցիայի մեջ։ Նրանք նշել են Սյունիքի մարզի նախկին փոխմարզպետ Նարեկ Բաբայանին, որը 2022 թվականից «Զանգեզուրի պղնձամոլիբդենային կոմբինատի» խորհրդի անդամ է, Երևանի քաղաքապետ Տիգրան Ավինյանին, փոխքաղաքապետ Արմեն Փամբուխչյանին։
