Ռուսաստանի Դաշնության խորհրդի նախագահ Վալենտինա Մատվիենկոն պաշտոնական այցով ժամանել է Ադրբեջան, հայտնում են ադրբեջանական լրատվամիջոցները:
«ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն պաշտոնական այցով ժամանել է Ադրբեջան ։ Բաքվի Հեյդար Ալիևի միջազգային օդանավակայանում, որտեղ ծածանվել են երկու երկրների պետական դրոշները, հյուրին դիմավորել են Ադրբեջանի հանրապետության Միլի Մեջլիսի նախագահի տեղակալ Ալի Ահմեդովը, ռուս-ադրբեջանական միջխորհրդարանական կապերի աշխատանքային խմբի ղեկավար Փոլադ Բյուլբյուլօղլին և այլ պաշտոնատար անձինք»,- ասված է հաղորդագրության մեջ:
Հիշեցնենք՝ ՀՀ ԱԺ նախագահ Ալեն Սիմոնյանը հայտնել էր, որ Վալենտինա Մատվիենկոն ՀՀ կժամանի նախնական հունիսի 5-6-ը։
