Ծառայողական մեքենաների թիվը կրճատելու ծրագրերի մասին ՀՀ վարչապետ Նիկոլ Փաշինյանի հայտարարությունից հետո մի շարք պաշտոնյաների զգուշացրել են, որ ստիպված են լինելու ոտքով աշխատանքի գնալ, հայտնել է «Հրապարակ» օրաթերթը՝ հղում անելով իր աղբյուրներին։
Թերթի տեղեկություններով՝ մեծ թվով պաշտոնյաներ՝ փոխնախարարներ, ծառայությունների ղեկավարներ, ԱԺ հանձնաժողովների նախագահներ ու տեղակալներ, աշխատանքի են գնացել առանց ծառայողական մեքենայի։
Նրանց, ըստ թերթի, տեղեկացրել են, որ մեքենաները ոչ թե կրճատվում են, այլ սպասարկելու են միայն աշխատանքային այցելությունների համար։ Սակայն հաջորդ օրերին որոշ պաշտոնյաների թույլատրել են օգտվել մեքենաներից, տեղեկացրել է լրատվականը։
ՆԳ նախարար Արփինե Սարգսյանի նշանակումից հետո ՀՀ ոստիկանապետ Արամ Հովհաննիսյանը հրահանգել էր արգելել հանրապետությունում մի քանի մեքենաներով ու թիկնապահներով երթևեկելը։ Ըստ մամուլի՝ ոստիկանությունը դա կիրականացնի թիկնապահներով ու մի քանի մեքենաներով շրջող անձանց կանգնեցնելու ու բերման ենթարկելու միջոցով։
