«Киевская площадь» ընկերությունների խմբի ղեկավարությունը, որի մեջ ներառվում է նաև Մոսկվայի «Фуд Сити» շուկան, հայտարարել է անկախ ազգությունից խմբի օբյեկտներում աշխատող բոլոր անձանց համար միասնական մոտեցման, հարմարավետության եւ անվտանգության սկզբունքները պահպանելու մտադրության մասին, ասված է ընկերության տնօրենների խորհրդի նախագահ Գոդ Նիսանովի հայտարարության մեջ։
«Զարգացման և անշարժ գույքի կոմերցիոն շուկայում երկարատև աշխատանքի տարիների ընթացքում մեր ընկերությունները մշտապես հոգ են տանում սպառողների, գործընկերների և վարձակալների շահերի մասին՝ անկախ նրանց ազգությունից կամ դավանանքից։ «Киевская площадь» ընկերությունների խմբի բաժնետերերն ու ղեկավարները մտադիր են այսուհետ ևս հավատարիմ մնալ այդ սկզբունքներին՝ հատուկ ուշադրություն դարձնելով մեր օբյեկտներում աշխատող բոլոր անձանց համար առավելագույնս հարմարավետ և անվտանգ պայմանների ստեղծմանը»,-նշել է Նիսանովը:
