Ազգային ժողովի նախկին պատգամավոր Ռուբեն Հակոբյանը 2 ամսով կալանավորվել է, Armenia Today-ին հայտնեց ՔԿ մամուլի խոսնակ Կիմա Ավդալյանը։
Հակոբյանի նկատմամբ հարուցվել է հանրային քրեական հետապնդում՝ Քրեական օրենսգրքի 422-րդ հոդվածի 2-րդ մասով (իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը, առավելագույն պատիժը՝ 3 տարվա ազատազրկում)։
Հակոբյանը ձերբակալվել էր հուլիսի 18-ին։ Ըստ ՔԿ-ի՝ քրեական վարույթով փաստական տվյալներ են ձեռք բերվել այն մասին, որ Հակոբյանը հուլիսի 1-ին զանգվածային լրատվության միջոցով՝ հարցազրույց տալու ընթացքում, հնչեցրել է իշխանությունը զավթելուն ուղղված հրապարակային կոչ։
