ՀՀ ՊԵԿ-ն ու իրավապահները թմրամիջոցների ապօրինի շրջանառության դեպքեր են բացահայտել, կան ձերբակալվածներ, տեղեկանում ենք ՊԵԿ-ի հաղորդագրությունից։
Հսկողության են ենթարկել ԱՄՆ-ից ՀՀ ներմուծված միջազգային սուրհանդակային առաքանիները։
Ըստ ՊԵԿ-ի հաղորդագրության՝ խոսքը 5 դեպքի մասին է, որոնց բացահայտման արդյունքում ապօրինի շրջանառությունից դուրս է բերվել ավելի քան 5.5 կգ «Մարիխուաննա» տեսակի թմրամիջոց, 1.3 կգ «հաշիշի յուղ» տեսակի թմրամիջոց, 0.5 կգ «հաշիշ» տեսակի թմրամիջոց և 1.9 կգ ՄԴՄԱ տեսակի թմրամիջոցի ածանցյալներ:
ՀՀ ՊԵԿ մաքսանենգության դեմ պայքարի վարչության և ՀՀ ԱԱԾ տնտեսական անվտանգության և կոռուպցիայի հակազդման գլխավոր վարչության աշխատակիցների կողմից ձեռնարկված օպերատիվ-հետախուզական միջոցառումները շարունակվում են` վերոնշյալ թմրամիջոցի ապօրինի շրջանառության մեջ ներգրավված հնարավոր այլ անձանց շրջանակը պարզելու ուղղությամբ:
Մանրամասները՝ տեսանյութում։
