Լիվերպուլում ավտոմեքենան մխրճվել է Պրեմիեր լիգայում տեղի ֆուտբոլային ակումբի տիտղոսը տոնող մարդկանց բազմության մեջ, հայտնում է Daily Mail-ը։
Նշվում է, որ «Լիվերպուլը» չեմպիոն է դարձել ապրիլի վերջին, բայց նրանք ստիպված էին սպասել մրցաշրջանի վերջին խաղին, որպեսզի ֆիզիկապես ձեռք բերեն գավաթը: Մայիսի 26-ին կայացել է երկրպագուների և ֆուտբոլիստների շքերթը։
«Հազարավոր մարդիկ հավաքվել էին այստեղ ամբողջ երկրից, սակայն տոնակատարությունը ստվերվել է, երբ ավտոմեքենան բախվել է անցորդներին»,- հայտնում է աղբյուրը:
Դեռևս տուժածների մասին պաշտոնապես չի հաղորդվում: Լրատվամիջոցները հայտնում են առնվազն 17 տուժածի մասին։
