Գերմանիայի Լայպցիգ քաղաքում հայտնաբերվել է մի քանի ամիս առաջ անհետ կորած սիրիահայ ուսանող Գրիգոր Աշնակլյանի դին, հայտնում է 301arm-ը։
Բժշկականի ուսանող, 25-ամյա Աշնակլյանն անհետ կորել էր 2024 թվականի հուլիսի 19-ին։ Վերջին անգամ այդ օրը նա հեռախոսով կապ էր հաստատել ընտանիքի հետ։
Ամիսներ տևած որոնումներից հետո, 2025 թվականի ապրիլի 5-ին, Վուրզենի Տրյոբելշայն շրջանում հայտնաբերվել էր նրա դին։ Հետաքննության տվյալներով՝ բռնի մահվան հետքեր չեն հայտնաբերվել։
Աշնակլյանը Գերմանիա էր ժամանել ութ ամիս առաջ՝ ուսումը շարունակելու նպատակով։ Ընկերներն ու ծանոթները նրան նկարագրում են որպես խելացի, շփվող և բարձր բարոյական արժեքներով անձնավորություն։
Տարբեր գնահատականներով՝ Գերմանիայում ապրում է 50-70 հազար հայ։ Ճշգրիտ թվերը տարբերվում են՝ կախված աղբյուրներից և հաշվարկների ժամանակից։ Գերմանիայում Հայաստանի դեսպանատան տվյալներով՝ հայ համայնքի թիվը կազմում է մոտ 50-60 հազար մարդ։
