Լոռու մարզային ճգնաժամային կառավարման կենտրոնը հուլիսի 30-ին, ժամը 15:48-ին ահազանգ է ստացել, որ Վանաձոր-Ալավերդի ավտոճանապարհին այրվում է ավտոմեքենա։
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Ըստ աղբյուրի՝ պարզվել է, որ Վանաձոր-Ալավերդի ավտոճանապարհի 23-րդ կմ-ին այրվում է «Lada Priora» մակնիշի ավտոմեքենա։
ՀՀ ԱԻՆ-ից հայտնում են, որ հրդեհը մեկուսացվել է ժամը 16։27-ին, մարվել՝ 16։38-ին։ Այրվել է «Lada Priora» մակնիշի ավտոմեքենան (վարորդ՝ Ա․ Հ., ծնված 1987 թ․)։
