Հայ Առաքելական եկեղեցու հետևորդներն ապրիլի 20-ին նշում են Քրիստոսի Հարության տոնը՝ Սուրբ Զատիկը։ «Զատիկ» բառը ենթադրաբար «ազատություն» բառից է ծագում։ Տոնի անվանումը փոխանցում է այս իրադարձության ողջ իմաստն ու սիմվոլիկան՝ Հիսուս Քրիստոսի չարչարանքների միջոցով մարդկային ցեղի ազատագրում մեղքերից։
Armenia Today-ը հավաքագրել է հացաբուլկեղեն և հրուշակեղեն արտադրողների տվյալներ, որտեղից կարելի է գնել Զատկի կուլիչներ:
Paul սրճարանում (Աբովյան 8) վաճառվում են Զատկի կուլիչներ՝ կրեմով և պիստակով, որոնց արժեքը տատանվում է 2000-5500 դրամի սահմաններում։
Bakery Yerevan (Թումանյան 18/6) խանութում չրերով կուլիչը կարող եք գնել 4500 դրամով, նուտելլայով՝ 5000 դրամով, իսկ պիստակով տարբերակը՝ 5500 դրամով։
Թումանյան փողոցում գտնվող մեկ այլ հրուշակեղենի խանութում՝ Mom’s Little Bakery-ում (Թումանյան 33), չամիչով կամ նուտելլայով կուլիչն արժե 7000 դրամ։
Prepa (Թումանյան 21, Ամիրյան 4/6) խանութում կարող եք գտնել կուլիչների երեք տեսակ՝ չրերով, կակաչի սերմերով և շոկոլադով։ Դրանց գինը սկսվում է 1700 դրամից։
Lili’s Bakery-ում վաճառվում են Զատկի կուլիչներ՝ չրերով, ելակով և շոկոլադով։ Գներն սկսվում են 3000 դրամից։
