Այսօր երևանցիներն ու քաղաքի հյուրերը մասնակցեցին կոմպոզիտոր, ՀՀ ժողովրդական արտիստ Արթուր Գրիգորյանի վերջին հրաժեշտի արարողությանը։ Ներկաները նրան ճանապարհեցին իր հեղինակած «Կյանք ու կռիվ» երգի հնչյունների ներքո և երկարատև ծափահարություններով: Արթուր Գրիգորյանի հոգեհանգիստն ու վերջին հրաժեշտն տեղի ունեցավ Արամ Խաչատրյան համերգասրահում: Հուղարկավորությունը տեղի կունենա քաղաքային պանթեոնում:
Հիշեցնենք, որ անվանի երգահանը մահացել է փետրվարի 4-ին՝ երկարատև հիվանդությունից հետո: Նա 63 տարեկան էր:
Արթուր Գրիգորյանը բազմաթիվ շքանշնների ու պարգևների է արժանացել:
Նա հեղինակել է «Այո», «777», «Ասուպ», «Ընծա» մրցանակաբաշխությունները, «Հենց այսպես», «Տես» հեռուստահաղորդումները, «Կանաչ գոտի», «Արցախի ձայներ» նախագծերը, Հայաստանի «Զաքյան» ֆոնդի հովանավորչական ամենամյա հեղինակ-կատարողների մրցանակաբաշխությունը։
Նախաձեռնել և ղեկավարել է Երևանի գեղարվեստա-թատերական ինստիտուտի էստրադային կուրսը։ Հեղինակել է բազմաթիվ երգեր, մանկական մյուզիքլներ, փառատոներ, թեմատիկ և էստրադային համերգներ:
