Հայաստանի նախագահ Վահագն Խաչատուրյանն ապրիլի 26-ին Վատիկանում՝ Սուրբ Աթոռում, կմասնակցի Հռոմի Սրբազան քահանայապետ Ֆրանցիսկոս պապի հուղարկավորության արարողությանը, հայտնել են նախագահի աշխատակազմից։
Հռոմի պապը մահացել է ապրիլի 21-ին՝ 88 տարեկան հասակում։
Պապի հուղարկավորությունը տեղի կունենա ապրիլի 26-ին։ Ամենայն Հայոց կաթողիկոս Գարեգին Բ-ն ներկա կգտնվի հուղարկավորությանը։ Ապրիլի 22-ին վարչապետ Նիկոլ Փաշինյանը ցավակցական հեռագիր է հղել Հռոմի պապի մահվան կապակցությամբ։
