ՀՀ ԱԺ նախագահ Ալեն Սիմոնյանն Աստանա կատարած պաշտոնական այցի շրջանակում Ղազախստանի նախագահ Կասիմ-Ժոմարտ Տոկաևի հետ հանդիպման ժամանակ անդրադարձել է երկկողմ հարաբերությունների օրակարգին և տարածաշրջանային զարգացումներին վերաբերող խնդիրների, հայտնել է ԱԺ լրատվական ծառայությունը։
Խորհրդարանի նախագահը ողջունել է ղազախական կողմի հայտարարությունները Հայաստանի և Ադրբեջանի միջև խաղաղության համաձայնագրի շուրջ բանակցությունների ավարտի վերաբերյալ, ինչպես նաև Աստանայի աջակցությունը` ուղղված երկու երկրների միջև կառուցողական երկխոսությանը:
Սիմոնյանը նաև ընդգծել է, որ ՀՀ-ն շահագրգռված է առևտրատնտեսական ոլորտում երկկողմ համագործակցության ակտիվ ընդլայնմամբ, ասված է հաղորդագրության մեջ։
2024թ. դեկտեմբերին Ղազախստանի նախագահը Հայաստանին և Ադրբեջանին բանակցությունների հարթակ էր առաջարկել։
