Պակիստանի զորքերն ապրիլի 1-ին ներխուժել են Հնդկաստանի տարածք և կրակ բացել Հնդկաստանի և Պակիստանի կողմից վերահսկվող Քաշմիրը բաժանող վերահսկողության գծի երկայնքով, հայտնել է Hindustan Times-ը։
Ըստ կայքի՝ հնդկական զինվորականներն «արդյունավետ, վերահսկվող և չափված պատասխան են տվել» ներխուժմանը։
«Հնդկական բանակը վերահաստատում է 2021 թվականին Հնդկաստանի և Պակիստանի զինված ուժերի միջև ձեռք բերված փոխըմբռնման սկզբունքներին հետևելու կարևորությունը՝ վերահսկողության գծում խաղաղություն պահպանելու համար», – ասել է բանակի խոսնակը:
Ըստ տեղեկությունների՝ պակիստանյան զորքերը կարող են լարվածություն հրահրել վերահսկողության գծի երկայնքով՝ ապահովելու պակիստանամետ անջատողական խմբերի ահաբեկչական խմբերի ներթափանցումը Հնդկաստան: Պունչ հատվածում այս պահին լայնածավալ հակաահաբեկչական գործողություն է ընթանում։
Քաշմիրը Հնդկաստանի և Պակիստանի միջև շարունակական, դառը վեճի առարկա է եղել 1947 թվականից, երբ բրիտանական Հնդկաստանը, անկախություն ձեռք բերելով, կրոնական գծերով բաժանվեց երկու պետության: Քաշմիրը չունի ազգային սահման. նրա տարածքը բաժանված է վերահսկողության գծով, որի երկայնքով Հնդկաստանն ու Պակիստանը պահպանում են հրադադարի ռեժիմը։
