Երևանի Սեբաստիայի փողոցում հոկտեմբերի 12-ին տեղի է ունեցել ՃՏՊ, կան տուժածներ, Armenia Today-ին հայտնել է ՆԳՆ մամուլի քարտուղար Նարեկ Սարգսյանը։
«Սեբաստիա փողոցում ավտովթար է տեղի ունեցել, բախվել են չորս մեքենաներ, կան վիրավորներ։ Դեպքի վայր է մեկնել փրկարար ծառայության մի քանի մարտական հաշվարկ»,- նշել է նա։
Ավելի ուշ ՆԳՆ-ն մանրամասնել է, որ Սեբաստիայի փողոցի թիվ 16/1 շենքի մոտակայքում բախվել են Honda (վարորդ՝ Վ. Մ., ծնված 2003 թ.), Mitsubishi (վարորդ՝ Շ. Մ.), Mercedes-Benz (վարորդ՝ Ս. Ա., ծնված 1956 թ.) և Opel (վարորդ՝ Գ. Բ., ծնված 1987 թ.) մակնիշների ավտոմեքենաները:
Ըստ գերատեսչության՝ Honda-ի վարորդը և ուղևոր Հ. Գ.-ն (ծնված 1977 թ.) հոսպիտալացվել են բժշկական կենտրոն: Փրկարարները Mitsubishi մակնիշի ավտոմեքենայի վարորդ Շ. Մ.-ին դուրս են բերել ավտոմեքենայից և մոտեցրել շտապօգնությանը. վերջինս նույնպես տեղափոխվել է հիվանդանոց։
