Սեպտեմբերի 13-ին Գեղարքունիքի մարզում՝ Սևան-Մարտունի-Գետափ ավտոճանապարհին տեղի ունեցած վթարի հետևանքով 7 մարդ է վիրավորվել, գրում է Shamshyan.com-ը։
Կայքի տեղեկություններով՝ ժամը 15:25-ի սահմաններում բախվել են մարզի բնակիչ 65-ամյա Այվազ Բ.-ի վարած Երևան-Վարդենիս երթուղին սպասարկող «ГАЗель»-ն ու Երևանի բնակիչ 24-ամյա Նինա Ի.-ի վարած Kia մակնիշի ավտոմեքենան։
Վիրավորներին տարբեր մարմնական վնասվածքներով տեղափոխվել են «Սևան» բժշկական կենտրոն։
Վթարի փաստով Սևանի քննչական բաժնում նախաձեռնվել է քրեական վարույթ, որտեղ էլ պարզում են վիրավորների ինքնությունը, հավելել է կայքը։
