Ընդդիմության առաջնորդներից Իշխան Սաղաթելյանը և Արթուր Վանեցյանը Արցախի դրոշով մտել են ՀՀ ԱԳՆ շենք, տեղադրել դրոշը և դուրս են եկել, հայտնում է Armenia Today-ի թղթակիցը՝ դեպքի վայրից:
«Մենք չենք ուզում ուժով այս ամբողջ շենքը վերցնել և դրոշ կախել: Այն պետք է կախվի այստեղ, ուրիշ տարբերակ չկա: Այս պահին սպասում ենք, որ ոստիկանության աշխատակիցները մեզ իրենց դիրքորոշումը հայտնեն»,- ասել է «Հայաստան» խմբակցության պատգամավոր, ԱԺ փոխնախագահ Իշխան Սաղաթելյանը:
«Ժողովուրդ ջան, մեր առաջ փակ դռներ չկան: Այս շենքը և այստեղ նստած յուրաքանչյուր դիվանագետ պետք է պայքարի Արցախի անկախ ինքնորոշման համար»,- հայտարարեց նա:
